4 vikna námskeið frá 7.-30. apríl. Þriðjudagar & fimmtudagar.

Nýtt og spennandi 4 vikna rennslunámskeið þar sem kennt er x2 í viku, á þriðjudögum og fimmtudögum (8 skipti í heildina).

Námskeiðið hentar öllum færnistigum.

Búast má við afslöppuðu og hlýju andrúmslofti á vinnustofunni þar sem við einblínum á ánægjuna sem fylgir því að breyta leirkúlu í einstakan nytjahlut.

Í upphafi námskeiðsins fer kennarinn yfir grunnatriðin og tæknilega punkta sem hjálpa til við leirvinnu á rennslubekk. Það að miðja leirinn, toga upp veggi og móta form er sérstaklega skoðað í fyrsta tímanum. Eftir það er farið út í afrennslu (trimming), mismunandi aðferðir skreytinga og að lokum glerjun.

Áhersla er lögð á einstaklingsmiðaða vinnu á námskeiðinu. Hvort sem þig langar að búa til draumabollann þinn, prófa þig áfram með vasa og stærri form eða einfaldlega njóta þess að vinna með leir, þá hvetjum við þig til að fylgja eigin sköpunarferli.

Nemendur eru hvattir til að koma með nesti eða eitthvað til að næra sig. Hagkaup er einnig staðsett við hliðina á vinnustofunni.

Í lok hvers tíma tökum við öll þátt í að þrífa vinnustofuna. Nemendur þrífa rennslubekkinn sinn, verkfæri og vatnsfötu. Að lokum förum við nokkrar umferðir yfir gólfið í kringum vinnusvæðið okkar.

Kennsludagar:
Þriðjudagur 7. apríl.
Fimmtudagur 9. apríl.

Þriðjudagur 14. apríl.
Fimmtudagur 16. apríl.

Þriðjudagur 21. apríl.
Fimmtudagur 23. apríl (Sumardagurinn fyrsti.)

Þriðjudagur 28. apríl.
Fimmtudagur 30. apríl.

Mánudagurinn 4. maí. Auka dagur fyrir glerjun. Valkvætt.

--------------

Vinsamlegast kynnið ykkur skilmála námskeiða.

--------------

Staðsetning: Eiðistorg, Seltjarnarnesi

Fjöldi nemenda: Hámark 7

Lágmarksaldur: 18 ára

Tímasetning: Þriðjudagar & fimmtudagar 17:00 - 20:30

Heildarfjöldi tíma: 28 klst.

Kennari: Viktor Breki

Innifalið: Kaffi og te. Leir, leirlitir, verkfæri og brennslur. 

--------------

Námskeiðin eru styrkhæf hjá stéttarfélögum.